Талапкерге

Филология факультетінің тарихы 1996 жылы Оңтүстік Қазақстан жоғары

оқу орындарының қайта құрылу нәтижесінде негізі қаланған Оңтүстік Қазақстан гуманитарлық университетінен бастау алады. 1998 жылдан бері филология факультеті М.Әуезов атындағы Оңтүстік Қазақстан университетінің іргелі факультеттерінің бірі болып табылады.

1998 жылдан бері факультетті Тілеубердиев Болатбек Мақұлбекұлы басқарып келді. Тілеубердиев Болатбек Мақұлбекұлы – Қазақстан Республикасы білім беру үздігі (2000 ж.), ҚР білімінің құрметті қызметкері (2008 ж.), ғылыми жұмыс және тәрбие, оқу ісіне қосқан үлесі үшін Қазақстан Республикасының тәуелсіздігінің 20-жылдық мерей той медаліне иегері (2011 ж.). Тілеубердиев Болатбек Мақұлбекұлы – Республикадағы ономастика саласындағы белді маманы, Тілдерді дамытуды басқару орталығының облыстық ономастика комиссия мүшесі. 2012 жылы қорытындысы бойынша Тілеубердиев Болатбек Мақұлбекұлына «Жоғары оқу орнының үздік оқытушысы» мемлекеттік гранты берілді.

Облыстағы және республикадағы ең үздік ғалымдардан құралған шығармашылық ұжым ғылыми педагогикалық бағытта жас мамандарды дайындауда жоғары дәрежеде қызмет етеді. Факультетте тіл білімі, лингвистика және әдебиет салаларында ғылым докторлары, профессорлар қызмет атқарады. Олар: М. Мырзахметұлы, Б.М. Тілеубердиев, А.Е. Құлымбетова, сондай-ақ 50-ден астам ғылым кандидаты мен доценттер бар. Факультеттің үш оқытушысы - ф.ғ.д., профессор Б.М. Тілеубердиев, ф.ғ.к., доцент Ж.Ж. Жумагулова, ф.ғ.к., доцент Н.Қ. Омаров «ЖОО-ның үздік оқытушысы» грантының иегері болып табылады.

2015-2016 оқу жылының нәтижелері бойынша филология факультеті «М.Әуезов атындағы ОҚУ-дің үздік факультеті», «Заманауи  тілдер және аударматану» кафедрасы «ОҚУ-дің үздік кафедрасы», «Журналистика және Қазақ тілі» кафедрасының меңгерушісі Л.К.Тұрабаева «ОҚУ-дің үздік доценті» атанды.

2016-2017 оқу жылында «Заманауи тілдер және аударматану» кафедрасы «М.Әуезов атындағы ОҚУ-дің үздік кафедрасы», «Қазақ тілі мен әдебиеті» кафедрасының аға оқытушысы Я.Х.Мадалиев «ОҚУ-дің үздік аға оқытушысы» атанды; 6В02330 «Шетел филологиясы (ағылшын)» мамандығы 5-ші орынға ие болды.

Факультет көп жылдар бойы ғылым және білім саласында алыс және жақын шетелдердегі жоғары оқу орындарымен, ғылыми зерттеу институттарымен тығыз байланыс жасауда (АҚШ, Қытай, Ресей, Ұлыбритания, Испания, Германия, Түркия, Жапония, Польша, Чехия, Латвия, Өзбекстан, Қырғызстан, Румыния және т.б.).

Болашақ бағдарламасының аясында филология ғылымдарының кандидаты, доцент Г.К. Карбозова RCEAL Кембридж университетінде, филология ғылымдарының кандидаты, доцент Г.К. Жумагулова, оқытушы М. Қалдыбекқызы Монтре Бизнес мектебінде (Швейцария) тағылымдамадан өтті. 2016 жылы «Заманауи тілдер және аударматану» кафедрасы меңгерушісі ф.ғ.к., доцент Г.К. Карбозова Erasmus+ (Teaching Staff Mobility) бағдарламасы бойынша Испанияның Кадис университетінде дәріс оқыды. Сонымен бірге, Гёте-Институты гранты бойынша Мюнхен қаласында (Германия) тағылымдамадан өтті. 2016 жылы «Орыс тілі мен әдебиеті» кафедрасының ф.ғ.к., доцент Ж.Ж. Жұмағұлова Қытай Халық Республикасының Дальян Шет тілдері университетінде дәріс оқыды.

2016 жылы Абылайхан атындағы Қазақ халықаралық қатынастар және әлем тілдері университетінде өткен Республикалық пәндік олимпиадасында 6В01730 «Шет тілі: екі шет тілі» білім беру бағдарламасы командасы ІІІ орынды, ҚазҰПУ-да өткен Республикалық пәндік олимпиадасында 6В01720 «Орыс тілі мен әдебиеті» білім беру бағдарламасы командасы ІІІ орынды, Тараз мемлекеттік педагогикалық институтында Республикалық пәндік олимпиадасында 6В01710 «Қазақ тілі мен әдебиеті» білім беру бағдарламасы командасы «Үздік ой-талқы» номинациясын иеленді.

Факультетте әр оқу жылында жақын және алыс шетел жоғары оқу орындары мен ғылыми институттарынан лекция оқу мен шеберлік сыныптарын жүргізу үшін танымал ғалымдар шақырылады. Факультетте шет тілі пәні бойынша: Джозеф Перри, Элис Лобью, Сэнди Марсия Стрингфелоу, Пеня Элизабет Виани (ағылшын тілі), Сересо Монтойя Давид, Санчес Асун Рут Сара, Валладарес Лопез Сатурнино (испан тілі), Юрген Вернер Вольфганг Асмус (неміс тілі) сынды ғалымдар дәріс оқыды.

Сонымен қатар факультетте Калифорния Штаты университетінің профессоры Нэйсон Т. Карр ағылшын тілі, Синцьзян қаржы және экономика университетінің іскерлік әкімдеу магистрі (МВА) Луань Синьжун қытай тілі бойынша дәріс оқиды.

Қәзіргі таңда факультет деканы Ыбырайым Әзімхан Оразбайұлы - «ҚР ЖОО үздік оқытушысы-2015» грантының иегері, «Мемлекеттік тіл және БАҚ» облыстық байқауының «Үздік мақала» номинациясы жеңімпазы (2018ж.), «Мемлекеттік тіл және БАҚ» республикалық байқауының ІІІ орын иегері (2018ж.), «Білім беру ісінің үздік педагогы-2020» республикалық байқауының жеңімпазы болып табылады.

3. Факультеттің мамандықтары:

Факультет мамандарды халықаралық стандартқа сай жоғары білім мекемесі және жоғары білім мекемесінен кейінгі 3 деңгейде дайындайды: бакалавриат - магистратура - РhD докторантура.

«Қазақ тілі мен әдебиет» кафедрасы:

Түлектердің меңгеретін біліктілігі және қызмет ету саласы

«Замануи тілдер және аударма ісі» кафедрасы

Түлектердің меңгеретін біліктілігі және қызмет ету саласы

«Журналистика және қазақ тілі» кафедрасы

Түлектердің меңгеретін біліктілігі және қызмет ету саласы

«Орыс тілі мен әдебиет» кафедрасы

Түлектердің меңгеретін біліктілігі және қызмет ету саласы

5. Академиялық ұтқырлық

6. Оқу өндірістік кешендер

      М.Әуезов атындағы ОҚУ Филология факультетінің 6В01710 «Қазақ тілі мен әдебиеті», 6В01720 «Орыс тілі мен әдебиеті», 6B01730 «Шетел тілі: екі шетел тілі», 6В02310 «Филология: қазақ тілі», 6В02331 «Шетел филологиясы: өзбек тілі», 6В02311 «Филология: орыс тілі», 6В02320 «Аударма ісі», 6В03220 «Журналистика» БББ студенттері оқу практикасын университет базасында, сонымен қатар  6В03220 «Журналистика» БББ (жеделдетілген) Қазақстан РТРК АҚ Шымкент филиалы «Оңтүстік» телеарнасында өтеді. Өндірістік-педагогикалық, дипломалды практикаларын А.Байтұрсынов атындағы №50 мектеп-гимназиясында, Т.Тәжібаев атындағы №47 мектеп-гимназиясында; А.С.Макаренко атындағы №41 мектеп-лицейінде; «Зерде» жалпы орта мектебінде; №30 орта мектепте; №80 IT мектеп-лицейде; .С. Пушкин атындағы №1 мектеп-гимназияда; А.С.Пушкин атындағы №1 мектеп-гимназияда; Қ.Спатаев атындағы №7 ІТ мектеп-лицейде; №2 мамандандырылған үш тілде оқытатын мектеп-интернатта; ЖШС «Cambridge Line» мектеп-лицейінде; С.Ерубаев атындағы №24 ІТ мектеп-лицейінде; З.Космодемьянская атындағы №23 мектеп-лицейде; Т.Тәжібаев атындағы №47 мектеп-гимназияда; №60 жалпы орта білім беретін мектепте; О.А.Жолдасбеков атындағы №9 IТмектеп-лицейде; Титов атындағы №20 мектеп-гимназиясы және де 6В03220 «Журналистика» білім беру бағдарламасы бойынша Қазакстан РТРК АҚ Шымкент филиалы «Оңтүстік» телеарнасына; «Оңтүстік Қазақстан» газетінде; «Шымкент келбеті» газетінде; «НАN-ТV» телеарнасы секілді практика базаларында өтеді.

7. Студенттер үйі

8. Студенттерді әлеуметтік қолдау

9. Жоғары мектеп/факультет жетістігі

     М. Әуезов атындағы Оңтүстік Қазақстан зерттеу университетінің филология факультеті Журналистика мамандығының 2 курс студенті Сейтжан Қасиет Байдуллаұлы 2024 жылдың 26 сәуір күні Астана қаласында өткен "Қазақстан Республикасының Үздік студенті" форумына қатысып "ҚР Үздік студенті" статуеткасы және төсбелгімен маратталды.
   Қазақстанның Стамбулдағы Бас Консулдығы және Қазақстан Сыртқы Істер министрлігі Рақымжан Қошқарбаев пен Сағадат Нұрмағанбетовтің 100 жыл толуына орай өткізілген ғылыми-практикалық конференцияға журналистика мамандығының 2 курс студенті Қыналы Ақниет қатысып,алғыс хатпен марапатталды.
     Мемлекет басшысы Қасым-Жомарт Кемелұлы Тоқаевтың “Адал адам - Адал еңбек - Адал табыс” атты бағдарламалық мақаласындағы ұлттық құндылықтарды республикамыздың жастары арасында кеңінен насихаттау мақсатында өткен “ҚАЗАҚСТАННЫҢ ҮЗДІК СТУДЕНТІ” атты республикалық байқауына қатысып жеңімпаз атанған Баратова Диана Қуанышбекқызы

10. Қызықты студенттік өмір

www.instagram.com/auezov_talapker